दाङ । एबिसी सञ्चार भण्डाफाेर टिमले गरेको रिपोर्टिङकाे कारण लामो समयसम्म अलपत्र अवस्थामा रहेको राप्ती नदिमा बन्दै गरेको पक्की पूलकाे काम फेरि शुरु भएको छ ।
प्युठानकाे सरुमारानी १, बांगेसालको झिलिवाङदेखि अर्घाखाँचीको सितगंगा — ७, लामाताल जोड्न राप्ती नदिमा पूल निर्माण कार्य निकै समय रोकिएको थियो । गत कार्तिक महिनामा सो अलपत्र पूलको रिपोर्टिङ केही स्थानीयहरुको प्रतिक्रिया सहित एबिसी सञ्चार अनलाइन मिडियामा प्रकाशन — प्रसारण भएपछि प्युठान जिल्लाबाट प्रतिनिधि सभाका माननीय सांसद सूर्य थापाले उक्त पक्की पूल निर्माणकार्य अगाडि बढाउने प्रक्रिया थालनी गर्न दुबै तर्फका स्थानीय जनप्रतिनिधिको रोहवरमा निर्माण कम्पनीलाई ताकेता गरेको स्थानीयबासीहरु बताउँछन् ।
सांसद थापाले सो पक्की पूलको निर्माणकार्य आगामी असार महिनाभित्र सम्पन्न गर्न पनि कडाइका साथमा निर्देशन दिएको कुरा जानकारीमा आएको छ ।
