काठमाडौं । २१ मंसिरमा केदार ढकाल अनिवार्य अवकाशमा गए सगै आज मंसिर २७ देखि एआईजी भीमप्रसाद ढकाल अवकाशहुन लागेका हुन्।
मानव स्रोत विकास विभागका एआईजी भीम ढकाल र प्रदेश समन्वय विभागमा कार्यरत एआईजी केदार ढकाल उमेरहदकै कारण अवकाश हुन लागेका हुन्। केदार ढकाल भने एआईजीमा बढुवा भएको एक महिना पनि नहुँदै अवकासमा गए । उनलाई मंसिर ६ गते एआईजीमा बढुवा गर्ने निर्णय भएको थियो।
गृहस्रोतका अनुसार —सिंह र बोहरालाई एआईजीमा बढुवा गर्ने तयारी—
ढकालद्वयको अवकाशपछि रिक्त हुने एआईजीमा दुर्गा सिंह र भरतबहादुर बोहरालाई बढुवा गर्ने सरकारको तयारी छ।केदार ढकाललाई एआईजी बनाउनका लागि यसअघि सिंहलाई छुटाइएको थियो।
ढकाल अवकाशमा जाने भएकाले उनलाई बढुवा दिन दुर्गा सिंह र कुवेर कडायत अगाडि भए पनि बढुवा भएका थिएनन।तर यसपटक सिंहलाई एआईजीमा बढुवा गर्ने तयारी छ। सिंह हाल गण्डकी प्रदेश प्रहरी कार्यालयको प्रमुख छिन्।
तर कडायत भने यसपटक पनि एआईजी बन्ने सम्भावना कम छ। अब रिक्त हुने एआईजीमा भरतबहादुर बोहरालाईबढुवा गर्ने तयारी छ। हाल उपत्यका ट्राफिक प्रहरी कार्यालय प्रमुख रहेका बोहरा पनि अवकाश हुन लागेका छन्। उमेरहदका कारण पुस १४ गते उनी अनिवार्य अवकाश हुनेछन्। उनी अवकाश भएपछि मात्रै कुवेर कडायतलाई एआईजीबनाउने सरकारको तयारी छ।
पुस १६ गते अर्को पनि एआईजीको दरबन्दी खाली हुनेछ। काठमाडौँ उपत्यका प्रहरी कार्यालय प्रमुख एआईजी किरणबज्राचार्य पनि अनिवार्य अवकाश हुनेछिन्। बज्राचार्य र बोहरा अवकाश भएपछि फेरि कडायतसहित दुईजनाएआईजीमा बढुवा हुनेछन्।
प्रहरी महानिरीक्षक कुँवरले आफ्ना ब्याचीलाई सकेसम्म बढुवा गर्ने नीति लिएका छन्। यसअघि किरण राणा २ दिनकालागि एआईजी भएकी थिइन्। उनलाई अवकाश हुने अघिल्लो दिन मात्रै एआईजीमा बढुवा गरिएको थियो।
