सुर्खेत । नेपाल प्रहरी संगठन प्रमुख प्रहरी महानिरीक्षक वसन्त बहादुर कुँवरले जिल्ला प्रहरी कार्यालय सुर्खेतमा सुर्खेत उपत्यका भित्रका प्रहरी कार्यालयका प्रमुखहरू लगायत प्रहरी कर्मचारीहरूलाई प्रहरी कार्यसम्पादनको बिबिध विषयमा निर्देशन सम्बोधन गर्नुभएको छ ।
निर्देशनको क्रममा प्रहरी महानिरीक्षक कुँवरले कानूनको कार्यान्वयन गर्ने प्रमुख जिम्मेवारी नेपाल प्रहरीको रहेको चर्चा गर्दै प्रहरी हरेक पलमा नागिरकको साथमा रहेर सहकार्य गर्नुपर्ने एवम् नागरिकको समस्यामा सहजीकरण गर्नेतर्फ प्रहरी अधिकृतहरू केन्द्रीत हुनुपर्ने बताउनुभयो । आर्थिक अनियमिततामा शून्य सहनशीलतालाई आत्मसाथ गरी सिमान्तकृत एवम् पीडितवर्गहरूको सारथी भई उनीहरूको समस्या एवम् गुनासोलाई सम्बोधन गर्न समेत उहाँले निर्देशन गर्नुभयो ।
कार्यक्रममा कर्णाली प्रदेश प्रहरी कार्यालयका कार्यालय प्रमुख प्रहरी नायव महानिरीक्षक जनक भट्टराई, सिनियर तथा जुनियर प्रहरी अधिकृतहरू लगायत अन्य प्रहरी कर्मचारीहरूको उपस्थिति रहेको थियो ।
