काठमाडौं । नेपालको गुप्तचर संस्था मानिने राष्ट्रिय अनुसन्धान विभागका सुदूरपश्चिम हेर्ने हाकिम डीआईजीलाई काठमाडौं लगिएको छ। प्रदेश प्रमुखको रुपमा कार्यरत रहेका डीआईजी किशोर श्रेष्ठलाई तीन महिना नकट्दै सिंहदरबार लगिएको हो।
उनलाई प्रधानमन्त्री कार्यालय, सिंहदरबारमा कोठा छुट्याएर काज खटाइएको जनाइएको छ। प्रधानमन्त्री केपी शर्मा ओलीले श्रेष्ठलाई एक साता अगाडि दरबन्दी नै खडा गरेर आफ्नै कार्यालयमा जिम्मेवारी दिएर राखेका हुन्।
यस्तो गरिएको भने पहिलोपटक हो, अहिले डीआईजी मातहत टोली गठन हुने क्रममा छ। श्रेष्ठ सिंहदरबार गएपछि सुदूरपश्चिम हेर्न भने एसएसपी नवीन अधिकारीलाई खटाइएको छ। डीआईजी पठाउनुपर्नेलाई निमित्त हाकिम भन्दै एसएसपीलाई पठाइएको हो।
