ABC (क्राईमबिट)
काठमाडौं । ड्युटीमा खटिएका इलाका प्रहरी कार्यालय झिलझिलेका प्रहरी निरीक्षक (इन्स्पेक्टर) युवराज कटुवालमाथि बिहीवार साँझ पौने सातबजे बञ्चरो प्रहार भएको छ ।
शिवसताक्षी–९ झरनापुल नजिकै प्रहरी निरीक्षक कटुवालमाथि आक्रमण भएको हो । जिल्ला प्रहरी कार्यालयका अनुसार प्रनि कटुवालको टाउको र हातमा चोट लागेको छ ।
कटुवालको टाउकोमा आठ र हातको औँलामा तीन टाँका लगाइएको झापा प्रहरीका प्रवक्ता डीएसपी खगेन्द्रप्रसाद रिजालले बताए । प्रनि कटुवालको बिर्तामोडस्थित बीएण्डसी अस्पतालमा उपचार भइरहेको छ ।
घटनापछि तीन युवक पक्राउ परेका छन् । पक्राउ पर्नेमा अशोक पोखरेल, अरुण तामाङ र लक्ष्मण टुडु छन् । तीमध्ये पोखरेलले बञ्चरो हानेको प्रहरीले जनाएको छ ।
