ABC (क्राईमबिट)
काठमाडौं । इलाका प्रहरी कार्यालय खिजिफलाटेका प्रहरी प्रमुख प्रहरी निरीक्षक श्रीप्रसाद राई मृत भेटिएका हुन् ।
खिजिफलाटेमा कार्यरत राई पारिवारिक भेटघाटका लागि केही दिन अगाडी घर बिदामा सोलुखुम्बुको वासा गएका थिए ।
उनी आफ्नै घरमा मृत भेटिएका हुन् । सोमबार बेलुका परिवास र साथीभाईसँग रमाइलोका साथ खानपिन गरेर सुतेका राई बिहान आफ्नै ओछ्यानमा मृत भेटिएको राईको परिवारलाई उद्धृत गर्दै जिल्ला प्रहरी कार्यालय ओखलढुङ्गाका प्रहरी प्रमुख प्रहरी नायव उपरीक्षक शुकदेव खनालले जानकारी दिए ।
प्रहरीका अनुसार राईले सुत्नुअघि आफुलाई टाउको दुखेको बताएका थिए । उनी निकट एक प्रहरी अधिकारीका अनुसार राई परम्परागत विवाहको प्रक्रिया पुरा गर्न घर गएका थिए ।
आफूले घटनाको बारेमा परिवारसँग बुझ्दा साथीभाइसँग सोमबार बेलुका राम्रैसँग खानपिन गरेर सुतेका राई मङ्गलबार बिहान मृत भेटिएको जानकारी गराएको प्रहरी प्रमुख खनालको भनाइ छ ।
