(ABC-Sanchar)
दाङ । घोराही लमही सडकखण्डको बेलदमारमा बस र टिप्पर एक आपसमा ठोक्किदा ६ वटा सवारी साधनमा क्षेती भएको छ ।
मंगलवार दिउँसो करिव ३ : ३५ बजे घोराही–लमही सडकखण्डको लमही नगरपालिका–६ बेलदमारस्थित घोराहीबाट बुटवल जादै गरेको लु १ ख ८४७३ नम्वरको बस र बिपरित दिशाबाट आउँदै गरेको रा १ ख १३६० नम्वरको टिप्पर एक आपसमा ठक्किदा एउटा बस, एउटा टिप्पर, दुई वटा मोटरसाइकल र दुई वटा कारमा क्षेती पुगेको प्रहरीले जनाएको छ ।
दुर्घटनामा बसमा सवार ९ जना, कारमा सवार ४ जना र मोटरसाइकल चालकसहित १६ जना घाइते भएको जिल्ला प्रहरी कार्यालय दाङले जनाएको छ । दुर्घटनामा घाइतेहरु लमही अस्पताल र राप्ती स्वास्थ्य विज्ञान प्रतिष्ठानमा उपचारपछि सवै जना डिस्चार्ज भएको जिल्ला प्रहरीकार्यालय दाङले जानकारी जनाएको छ ।
दुर्घटना पश्चिात बाटो खुलाउँदै गर्दा दुर्घटनामा फसेको बस ब्याग गर्ने क्रममा ब्रेक नलागी पछाडी आउदा बा १० च ६९९२ र बाग्मती प्रदेश ०१–०२५ च ९४४८ नम्वरको कार र रा १ प ६४०१ र भे ३ प ३८१२ नम्वरको मोटरसाइकल बस मुनि पसी पूर्ण रूपमा क्षती भएको प्रहरीले जनाएको छ ।
