ABC (क्राईमबिट)
काठमाडौं । नेपाल प्रहरीको साइबर ब्यूरोले युट्युबमा अश्लील शीर्षक राखी भिडियो सामग्री प्रसारण गरेको आरोपमा प्रहरीले एक जनालाई पक्राउ गरेको छ ।
‘४ रियल टीभी’ नामको युट्युब च्यानलका सञ्चालक नुवाकोट बेलकोटगढी-७, महादेवफाँट घर भई काठमाडौं बस्दै आएका २२ वर्षीय प्रवेश लामालाई पक्राउ गरेको हो ।
लामालाई युट्युबलगायत सामाजिक सञ्जालमार्फत अश्लील सामग्री प्रसारण गरेर विद्युतीय कारोबार ऐन २०६३ अन्तर्गतको कसुर गरेकाले नियन्त्रणमा लिइएको ब्यूरोका एसएसपी नबिन्द अर्यालले जानकारी दिए ।
लामालाई काठमाडौं जिल्ला अदालतबाट पाँच दिनको म्याद लिई अनुसन्धान अनुसन्धान भइरहेको उनले बताए ।
