(सर्मिला बोगटी)
धनगढी । कञ्चनपुरबाट लागुऔषध सहित २ जना पक्राउ परेका छन। सशस्त्र प्रहरी बल नेपाल नं ३५ गण हेडक्वाटर शैलेश्वरी मातहत रहेको फर्वाड वेश बैशाखाबाट खटीएको टोलीले जिल्लाको बेलौरी न।पा।६ दुम्ली बस्ने अन्दाजी २२ वर्षिय कैलाश थापा र सोही ठाउँका अन्दाजी २० वर्षिय लक्ष्मण रानालाई नाईट्रभेट १० का ३३ ट्याब्लेट सहित पक्राउ गरेको हो ।
गस्ती गर्ने क्रममा बैशाखा सीमा ईलाकाबाट नेपालतर्फ आउदै गरेको म २ प २९४४ नं को मोटरसाईकलमा सवार उनिहरुलाई शंका लागी चेकँजाँच गर्दा उनिहरुको साथबाट नाईट्राभेट सहित १ थान मोबाईल, चाँदीको सिक्रि १ वटा, चाँदीको औठी १ वटा र बुफर एउटा बरामद गरिएको सशस्त्र हेडक्वाटर शैलेश्वरीले जनाएको छ ।
