०८ पुष २०८१, सोमबार
23-12-2024 , Mon
×

काबुल विमानस्थलमा आक्रमण हुनसक्ने अमेरिकी : चेतावनी

Logo
प्रकाशित आइतबार, भाद्र १३, २०७८

अमेरिकी राष्ट्रपति जो बाइडेनले काबुलको अन्तर्राष्ट्रिय विमानस्थलमा अर्कोपनि आक्रमण हुनसक्ने चेतावनी दिएका छन्। आइतबार विमानस्थलमा आक्रमण हुनसक्ने अमेरिकी कमाण्डर र अनुसन्धान एजेन्सीले आफूलाई बताएको बाइडेनले बताएका हुन्। आक्रमणको सम्भावित खतरासँगै अमेरिकाले आफ्ना सबै नागरिकलाई विमानस्थलबाट टाढै रहन निर्देशन दिएको छ।

यो बिचमा बेलायतले भने आफ्ना सम्पूर्ण नागरिक तथा कूटनीतिज्ञ अफगानिस्तानबाट उद्धार गरिसकेको छ। गत बिहीबार साँझ काबुलको एयरपोर्टमा आईएस–के नामक आतंकवादी संगठनले आत्मघाती विस्फोटन गराउँदा १३ अमेरिकी सेनासहित १७० जनाको मृत्यु भएको थियो। त्यसको जवाफमा अमेरिकाले आईएसको अखडामै ड्रोन आक्रमण गरेको थियो। सो आक्रमणमा काबुल हमलाका योजनाकार मारिएको अमेरिकी दाबी छ।

बाइडेनले ड्रोन आक्रमणपछि भनेका छन्,‘यो अन्तिम जवाफी कारवाही होइन। जसले पनि काबुल विमानस्थल अगाडि आक्रमण गरेका छन् उनीहरुलाई खोजी–खोजी सजाय दिइनेछ।’ अमेरिकाले शुक्रबार आईएसविरुद्ध गरेको कारवाहीमा तालिबानले भने असन्तुष्टि व्यक्त गरेको छ। हाल तालिबानले अफगानिस्तान कब्जा गरिसकेको छ। यसबीचमा तालिबानले आक्रमण गर्न अगाडि आफूसँग अनुमति लिएको भए हुन्थ्यो भन्दै असन्तुष्टि पोखेको हो।

अमेरिकी सेनाले यतिबेला काबुल छाड्न थालिसकेका छन्। अब काबुलको विमानस्थलमा ४ हजारभन्दा कम अमेरिकी सैनिक भएको बीबीसीले जनाएको छ। गतहप्ता त्यहाँ ५ हजार ८ सय अमेरिकी सेना उद्धारमा खटिएका थिए।

आईएस र तालिबान संगठनबीच मतभेद रहेको बुझिन्छ जसका कारण तालिबानविरुद्ध आईएसले हालै मोर्चा खोलेको घोषणा गरेको थियो। तालिबानले आईएस, अलकायदाजस्ता आतंकवादीलाई आफ्नो देशमा सक्रिय हुन नदिनेभन्दै अमेरिकासँग सम्झौता गरेको छ। आईएसले पुरै मुस्लिम राष्ट्र एक हुनुपर्छ र पश्चिमाविरुद्ध उत्रनुपर्छ भन्ने धारणा राख्दछ। आईएसले सरिया कानुन कडा रुपमा पालना हुनुपर्छ पनि भन्छ।

तर तालिबान अफगानिस्तानको भूमिसँग मात्र सम्बन्धित इस्लामिक समूह हो। हालै तालिबानले अफगानिस्तान कब्जा गरेपछि आईएसले अमेरिकाले छाडेकाले मात्र तालिबान सत्तामा आउन सकेको बताएको थियो। तालिबान र आईएसबीच सम्बन्ध नभएको बताइन्छ तर तालिबानसँग नजिक रहेको हक्कानी नेटवर्क र आईएसको क्षेत्रीय समूह आईएस–केबीच भने सम्बन्ध रहेको बताइन्छ।

यही सम्बन्धका कारण तालिबान र आईएस पनि नजिक भएको अनुमान गरिन्छ। हालै काबुल हमलापछि अफगानिस्तानका विस्थापित उपराष्ट्रपति अमरुल्लाह सलेहले काबुल हमलामा तालिबानकै हात भएको बताएका थिए। सो आक्रमण अमेरिकी सेनालाई लक्षित गर्दै गरिएको थियो। बीबीसी र एजेन्सीको सहयोगमा ।एजेन्सी

कमेन्ट गर्नुहोस्
सम्बन्धित

  दाङ । गत वर्षको तुलनामा यो वर्ष यहाँ धान उत्पादनमा १० प्रतिशतले वृद्धि भएको छ । यस वर्ष एक लाख ७८ हजार सात सय मेट्रिक टन धान उत्पादन भएको कृषि ज्ञान केन्द्रले जनाएको छ । केन्द्रका सूचना अधिकारी पृथ्वीराज लामिछाका अनुसार यो वर्ष ३६ हजार एकसय आठ हेक्टर क्षेत्रफलमा खेती गरिएको थियो । पर्याप्त […]

बाँके । जिल्ला ट्राफिक प्रहरी कार्यालय बाँकेको आयोजना तथा मातहत पोष्टहरुले बाँके जिल्लाका विभिन्न विद्यालय तथा महेन्द्र राजामर्ग ,हुलाकि राजमार्ग ,रत्न राजमार्गका विभिन्न स्थानहरुमा मानिसहरु भेला जम्मा गराई ट्राफिक सचेतना अन्तर्गत सवारी दुर्घटना न्यूनीकरणका लागी चालक ,सह-चालक, सर्वसाधारण, सडक प्रयोग कर्ता,विद्यार्थि, साईल यात्रीहरुलाई सवारी दुर्घटना बाट बच्ने उपायहरु , ट्राफिक नियमका बारेमा यस कार्यालय तथा […]

  दाङ । तुल्सीपुर मेष राशि – कार्यक्षेत्रमा सतर्क रहनुहोला ।प्रतिस्पर्धिहरु सलवलाउने छन् ।विरोधिहरु सलवलाउनेछन् ।परिश्रम अनुरुप लाभ प्राप्त नहुदा मन खिन्न होला ।नकारात्मक विचार वाट बचेर कार्य गर्नुहोला ।स्वास्थयमा विशेष ख्याल राख्नु पर्नेछ ।व्यवसायमा केहीँ सफलता मिल्नेछ । बृष राशि -नकारात्मक सोचबाट बचेर काम गर्दा लाभ हुनेछ ।समाजमा प्रतिष्ठा बढ्नेछ । विद्यार्थीको लागि आज […]

error: Content is protected !!