बर्दियामा श्रोत नखुलेको १७ लाख ५० हजार भारतिय रूपैया सहित एकजना पक्राउ

(महेन्द्र प्रताप सिंह)
बर्दिया । ईलाका प्रहरी कार्यालय राजापुर बर्दियाबाट प्रहरी निरीक्षक सन्तोष घिमिरेको कमाण्डमा खटिएको प्रहरी टोलीले जिल्ला बर्दिया राजापुर नगरपालिका वडा नं.४ सत्तीघाटमा चेकजाँच गर्ने क्रममा कैलालीबाट राजापुर तर्फ आउँदै गरेको जिल्ला कैलाली टिकापुर न.पा.वडा नं. १ बस्ने बर्ष २९ को गोपाल चौधरीले चलाई ल्याएको सु.प.प्र. ०१००८ प ८१४५ नम्बरको मोटरसाईकल रोकी चेकजाँच गर्ने क्रममा निज गोपाल चौधरीले पछाडी बोकेको कालो रङ्गको छालाको जस्तो देखिने झोला खोली हेर्दा प्लाष्टिकको २ वटा पोकामा स्रोत नखुलेको भारतिय रूपैया १७,५०,०००/-(अक्षरेपी रू. सत्र लाख पचास हजार) फेला पारी उक्त रुपैया, निजले प्रयोग गरेको मोटरसाईकल थान-१, ल्यापटप थान-१ मोबाईल थान-१, सिमकार्ड NTC र Ncell थान १/१ सहित पक्राउ गरी कानून बमोजिमको बरामद कार्य पुरा गरी आवश्यक कारवाहीको लागि मिति २७ गते राजश्व अनुसन्धान कार्यालय कोहलपुर बाँके पठाईएको जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले जानकारी दिनुभएको छ ।