एबिसी क्राईम ब्युरो
काठमाडौँ डिएसपी सहित ८ प्रहरीको हत्या गरेका भारतीय राज्य उत्तर प्रदेश, कानपुरका विकास दुबे प्रहरीको इन्काउन्टरमा मारिएका छन् ।
उज्नेनबाट विहीबार पक्राउ परेका उनलाई कानपुर ल्याउने क्रममा इन्काउन्टर गरिएको हो । उनलाई कानपुर ल्याउने क्रममा उनी सवार गाडी पल्टिएको र प्रहरीको हतियार खोसेर भाग्न खोज्दा प्रहरीले गरेको जवाफी हमलामा दुबे मारिएको भारतीय प्रहरीले दाबी गरेको छ ।
असार १८ गते आफूलाई पक्राउ गर्न आएको प्रहरी टोलीलाई दुबेको समूहले जेसिबीले बाटो छेकेर हमला गर्दा घटनामा एक डिएसपी, तीन सब-इन्सपेक्टर र चार कन्स्टेबल मारिएका थिए ।
हत्यापछि फरार रहेका दुबेलाई बिहीबार प्रहरीले मध्य प्रदेशको उज्जैन जिल्लाको महाकाल मन्दिरबाट पक्राउ गरेको थियो । रासस
