एबिसी संचार
बाँकेमा खाद्यान्नका पसल बिहान ११ बजे देखि ३ बजेसम्म मात्र खुल्ने
औषधि पसल बाहेकका खाद्यान्न लगायतका अन्य अत्यावश्यक दैनिक उपभोग्य वस्तुको खरिद बिक्रीका लागि समय तोकिएको छ ।
शनिबार एक सुचना जारी गर्दै जिल्ला प्रशासन कार्यालय बाँकेले खाद्यान्न, तरकारी, पानी, दुध लगायतका दैनिक उपभोग्य बस्तु खरिदका लागि प्रत्येक दिन बिहान ११ बजे देखि ३ बजेसम्मको समय तोकिदिएको हो । प्रशासनले तोकिएको समयमा मात्र उल्लेखित वस्तुको पसल संचालन गर्न संचालकलाई आग्रह गरेको छ ।
सुचनामा पसल संचालक तथा उपभोक्तालाई एकमिटरको सामाजिक दुरी कायम गर्दै मास्क तथा सेनिटाइजरको प्रयोग अनिबार्य हुनुपर्ने बताइएको छ ।
