दिल्ली बलिउड अभिनेता धमेन्द्रको रेष्टुरेन्ट ‘हि म्यान’ सील गरिएको छ। हरियाणाको करनाल नगर निगमले रेष्टुरेन्टमा निर्माण सम्बन्धि कमी पाएका कारण यसलाई सील गर्ने आदेश दिएको भारतीय सञ्चारमाध्यमले जनाएका छन्। उक्त रेष्टुरेन्ट फेब्रुअरी १४ तारिखका दिन खोलिएको थियो। यो रेष्टुरेन्ट राष्ट्रिय राजमार्ग–४४ मा करनाल शहरको बाहिरी इलाकामा बनेको थियो। प्रशासनको तर्फबाट रेष्टुरेन्टलाई दुईपटक नोटिस पठाइएको भएपछि त्यहाँबाट कुनै जवाफ नआएपछि प्रशासनले यसलाई सील गर्ने निर्णय लिएको सम्बन्धीत निकायलाई उदृत गर्दै अन्तर्राष्ट्रिय सञ्चारमाध्यले जनाएका छन्। उक्त निर्णयपछि हरियाणा सरकारले राज्यमा भएका सबै व्यावसायिक प्रतिष्ठानलाई सर्भेको आदेश पनि दिएको छ।
