
बाँके । नेपालगञ्जमा बालसुधार गृहमा होलिको विषयलाई लिएर दुई समुह बीच झडप भएको छ । झडपमा ६ जना सख्त घाइते भएका छन् । प्रहरी प्रशासनले अवस्था नियन्त्रण गर्न खोज्दा भवनलाई कब्जामा लिएका गिरोहले ढुंगामुढा गरि प्रहरी प्रशासनलाई भित्र प्रवेश गर्न अवरोध खडा गरेको छ ।प्रहरी प्रशासनले अवस्था नियन्त्रण गर्न पुर्ण प्रयास गरिरहेको छ । यसै क्रममा केही युवाहरु पक्राउ समेत परेका छन् । भवनमा आगलागी देखि भौतिक संरचना , फर्निचर तथा अन्य सरसामान समेत तोडफोड गरिएको जिल्ला प्रहरी कार्यालय बाँकेले जानकारी दिएको छ ।