लहान । सिरहाको ठाडि क्षेत्रबाट नेपाल प्रहरी र सशस्त्र प्रहरी बलकाे सेटिङ र संरक्षणमा व्यापक तस्करी भैरहेको छ। नेपालबाट चाइनिज लसुनकाे तस्करी यसै क्षेत्रकाे नाकाबाट तस्करी भैरहेको छ। नेपाल भित्रिएको चाइनिज लसुन ,फेयर लबली सुपारी स्याउ सुर्या चुरो, फेयर लबली पेस्ट , मटर मरिच सीमावर्ती क्षेत्रमा लगेर गाेदामहरूमा राख्ने र नेपाल प्रहरी तथा सशस्त्र प्रहरीलाई मिलाएर अनुकूल समयमा भारत तस्करी गर्ने काम ठाडी मातहतका नाकाबाट हुदै आएको छ । त्यसैगरी भारतीय क्षेत्रबाट चिनी , हार्डवेयर , काजु , बदाम कपडा लगायतका सामानहरूकाे ठूलो तस्करी चलिरहेको छ । यो क्षेत्रबाट दुबै प्रहरीले तस्करी गर्न लाइन दिएकाहरूमा महिला पुरुष तस्कर लगायतका छन् । एसपी हाजिर भए देखि नै तस्करी व्यापक हुन थालेको स्थानीय भनाई । त्यही कारण विगतमा जस्तो संगठित तस्करी भएको छ । तर लामो समयदेखि बसेका घुमुवा अनि टेण्डर हालेर राम्रो ठाउँमा सरूवा मिलाएर जाने प्रवृत्ति प्रहरीमा रहेको छ। त्यसको कारण पनि तस्करहरूले मातहतका थाना , चाैकी , इप्रका , बडा प्रहरी र तिनमा लामो समयदेखि कार्यरत घुमुवाहरूलाई मिलाएर खुलेयाम तस्करी गरिरहेका छन् । प्रहरी चौकी ठाडिका प्रमुखको रूपमा स्वरूप सुनिल चौधरी छन् । उनले आर्थिक काराेवारका लागि घुमुवा परिचालन गरेका छन् । काराेवारीहरूसंग भेट्ने र रकम उठाउने काम उनैले गर्दै आइरहेका छन् । घुमुवा लामो समयदेखि ठाडिमा झा कार्यरत छन् । यसअघि पनि घुमुवा बसेका उनी धेरै तस्कर तथा व्यापारीहरूबाट रकम असुली सक्रिय रहेका छन् ।
त्यसैगरी यहाँको तस्करीमा सशस्त्र प्रहरीको पनि पूर्ण रूपमा सेटिङ र संरक्षण रहेको छ। सशस्त्र प्रहरीको ठाडी स्थित प्रस्ताबित गुल्मका डिएसपी बाबुराम पौडेल पनि तस्करीमा पुरा साथ र सहयोग रहेको छ । यहाँको तस्करीको बिषयमा हाम्रो स्थानीय संवाददाताले प्रश्न गर्दा उनलेे तस्करी नभएको दाबी गरे । त्यसैगरी प्रहरीका घुमुवा
सशस्त्रका डिएसपीले तस्करी नभएको दावी गरेपनि सीमावर्ती क्षेत्रमा जाने जाेकाेहीले पनि देख्न सक्छ कि तस्करी कसरी भैरहेछ भन्ने कुरा ।
