दाङ । आन्तरिक सुशासन प्रबर्द्धनका लागि सार्वजनिक सुनुवाई कार्ययोजना” बमोजिम आज मिति २०८१।०८।२५ गते घोराही उपमहानगरपालिका वडा नं. १ काँडाखुट्टी स्थित वडा कार्यालयको प्राङ्गनमा जिल्ला प्रहरी कार्यालय दाङको आयोजना तथा निमित्त प्रमुख जिल्ला अधिकारी सावित्रा पुनज्यू, जिल्ला प्रहरी कार्यालय दाङका कार्यालय प्रमुख प्रहरी उपरीक्षक अर्जुन प्रसाद तिमिल्सिना, घोराही उपमहानगरपालिका वडा नं. १ का वडा अध्यक्ष, स्थानीय जनप्रतिनिधिहरु, बिभिन्न कार्यालयका तथा संघ संस्थाका प्रतिनिधिहरु, विभिन्न विद्यालयका प्रधानाध्यापक तथा शिक्षकहरु, टोल विकास संस्थाका प्रतिनिधिहरु, आमा समूह तथा महिला समुहका प्रतिनिधिहरु, स्थानीय नागरिकहरु लगायतको उपस्थितिमा समाजमा शान्ति सु-व्यवस्था कायम राख्न, समाजमा विद्यमान कुरीति, कुसंस्कार एवं सामाजिक अपराध न्यूनीकरण गर्न र अपराध न्यूनिकरणको लागि गरिएका पहलको
सम्वन्धमा नागरिकहरुलाई अवगत गराउने उदेश्यका साथ आयोजित नागरिक सुनुवाई कार्यक्रममा यस कार्यालयका कार्यालय प्रमुख प्रमुख उपरीक्षक अर्जुन प्रसाद तिमिल्सिनाले अपराध रोकथाम तथा नियन्त्रणमा प्रहरीले गरेको प्रयास र समुदायको भुमिका विषयमा जानकारी दिनुको साथै सहभागिहरुबाट आएका जिज्ञासा तथा सवालहरुको सहजिकरण गर्नु भई उक्त नागरिक सुनुवाई तथा अन्तरक्रिया कार्यक्रम सम्पन्न गरियो ।
