ABC (क्राईमबिट)
काठमाडौं । ‘न्युजिल्याण्ड पठाउँछु’ भन्दै ठगी गरेको आरोपमा प्रहरीले एक युवतीलाई पक्राउ गरेको छ । पक्राउ पर्नेमा नुवाकोटको विदुर नगरपालिका–७ घर भई बुढानिलकण्ठ बस्दै आएकी २७ वर्षीया शोभा पौडेल उर्फ दिया रहेकी छन् ।
दियाले सिन्धुली घर भएका नारायण बोगटीसहित ९ जनालाई न्यूजिल्याण्ड पठाउँछु भनेर ठगेको आरोप छ । काठमाडौं उपत्यका अपराध अनुसन्धान कार्यालयकाअनुसार ९ जनाबाट ६३ लाख रुपैयाँ रकम असुलेर उनी सम्पर्कविहीन भएकी थिइन् । उनलाई कपनस्थित निलोपुलबाट पक्राउ गरिएको अपराध अनुसन्धान कार्यालयका एसपी दिनेशकुमार आचार्यले जानकारी दिए ।
प्रहरीको प्रारम्भिक अनुसन्धान अनुसार न्युजिल्याण्डका लागि प्रतिव्यक्ति १२ लाख ५० हजार लाग्ने र त्यहाँ १ लाख ७० हजारसम्म तलब हुन्छ भनेर उनले युवाबाट पैसा उठाउने गरेकी थिइन् ।
