(रवि वर्णवाल)
वीरगञ्ज । नेपाल आयल निगमको प्रादेशिक कार्यालय अमलेख गञ्जबाट अब हप्ताको ३ दिनमात्र सेवा प्रवाह हुने भएको छ ।
कोरोना भाइरसको संक्रमणकालिन अवस्थामा पनि पेट्रोलियम पदार्थ जस्तो अत्यावश्यक वस्तुको अविछिन्न आयात तथा वितरण गर्दै आएको कार्यालयले अब हप्ताको आइतवार, बुधवार र शुक्रवार मात्र कार्यालय सञ्चालन गर्ने एक सूचना जारी गरी जानकारी गराएको छ ।
दोस्रो चरणको संक्रमण तिव्र गतिमा फैलिएको संक्रमणका कारण कर्मचारी लगायत सम्बन्धित सबैको स्वास्थ्यलाई मध्यनजर गर्दै हप्ताको ३ दिनमात्रै सञ्चालन हुने प्रादेशिक कार्यालयका प्रमुख ई.प्रदिप कुमार यादवले जानकारी दिए ।
