सनिउल्ला धोवी, कपिलवस्तु असार ६ ।।
प्रतिनिधि सभा सदस्य वृजेश कुमार गुप्ता, प्रदेश सभा सदस्य दृग नारायण पाण्डेय र महारागंज नगपालिकाका नगर प्रमुख अब्दुल कलामले कपिलवस्तुको महाराजगंज नगरपालिकालाई मिलेर विकास गर्नुपर्नेमा जोड दिइएको छ । महाराजगंज नगरपालिकाको आयोजनामा प्रतिनिधि सभा सदस्य, प्रदेश सभा सदस्य, राजनितिक दलका स्थानिय प्रतिनिधि समाजसेवी एवम वुद्धीजिविसग आव ०७५।७६को निति कार्यक्रम र बजेट तर्जुमा सम्वन्धि अन्तरकृया कार्यक्रममा वोल्ने वक्ताहरुले यस्तो वताएका हुन ।कार्यक्रममा वोल्दै प्रतिनिधि सभा सदस्य वृजेश कुमार गुप्ताले महराजगंजको चौतर्फि विकाशको लागी आफुले केन्द्र देखी नै पहल गर्ने वताउनुभयो । देश संघियतामा गएको अवस्थामा स्थानिय सरकारले दुत्र गतिमा विकाश भइरहेको वताउदै विकाश सगै चेतनामुलक कार्यक्रम गर्नुपर्नेमा जोड दिनुभयो । गुप्ताले विकासको लागी सवै मिल्नुपर्नेमा जोड दिनुभयो । उहाले संसदिय विकास कोषको रकम पनि महाराजगंज नगरपालिकाका विकट ठाउमा लगाउने आश्वासन दिनुभयो । वाणगंगा सिचाई योजना, नदि कटान, घगुवा सिचाई योजनाका वारेमा केन्द्रमा पहल गरिने वताउनुभयो ।
त्यस्तै कार्यक्रममा प्रदेश सभा सदस्य दृग नारायण पाण्डेयले कपिलवस्तुकै पछाडि परेको स्थानिय तह मध्य माहाराजगंज पनि परेको हुदा प्रदेश स्तरमा विशेष सहयोग हुने वताउनुभयो । महाराजगंज नगरपालिका भारतको सिमा सम्म पर्ने भएको हुदा यस ठाउको विकास अनिवार्य रहेको पाण्डेयले जिकिर गर्नुभयो ।
कार्यक्रमको समापन गर्दै महारागंज नगपालिकाका नगर प्रमुख अब्दुल कलामले केन्द्र र प्रदेश वाट आएका योजनालाई लागु गरि समृद्ध नगरपालिका बनाउने वताउनुभयो । एक वर्षको अवधिमा मात्र नगरका सम्पुर्ण काम गर्न नसकिएकोले ५ वर्षमा नगरलाई समृद्ध बनाउने वताउनु भयो । नगरपालिका विकासउन्मुख रहेको वताउदै सवैको सल्लाह र योजना अनुसार काम हुने वताउनुभयो । कार्यक्रममा सहभागी भएको राजनितिक दलका प्रतिनिधी समाजसेवीहरुले आप्नो गाउ ठाउको विकासको लागि योजना सामावेस गर्न सुझाव दिएका थिए । नगर प्रमुखले सबैको सर सल्ल्लाह अनुसार अगाडी बढन बताउनु भयो ।
