दाङमा कोरोना संक्रमितको संख्या ७ सय बढी पुगेयो

एबिसी संचार
दाङमा ५ जना नयाँ संक्रमित थपिएका छन् । जिल्लामा पछिल्लो समय स्वाब संकलन कम हुँदा मात्रै नयाँ संक्रमितको संख्या न्यून देखिएको छ । संक्रमणको जोखिम भने कायमै छ । लकडाउन खुलेपछि मानिसहरुको आवातजावात हुँदा संक्रमणको जोखिम झनै बढेको छ । लकडाउन खुलेपछि परिक्षण पनि कम भएको र संक्रमित पनि कम देखिएको छ ।
जिल्लामा दश पालिकामध्ये अहिलेसम्म सबैभन्दा बढी घोराही उपमहानगरपालिका र सबैभन्दा कम दंगिशरण गाउँपालिकामा संक्रमित देखिएका छन् । घोराही उपमहानगरपालिकामा २ सय ६७ जनामा संक्रमण देखिएको छ भने सबैभन्दा कम दंगिशरण गाउँपालिकामा ५ जना संक्रमित भेटिएका छन् ।
त्यसैगरी तुलसपुर उपमहानगरपालिकामा ७८ जनामा संक्रमण देखिएको छ । तुलसीपुरमा ५ जनाको जिल्ला बाहिर संक्रमण पुष्टि भएको हो । अहिलेसम्म बंगलाचुली गाउँपालिकामा १ सय ५७ जनाको रिर्पोट पोजेटीभ देखिएको छ ।
बबई गाउँपालिकामा ३२ जनामा संक्रमण देखिएको छ । यस्तै गढवा गाउँपालिकामा ४५ जनामा संक्रमण देखिएको छ । लमही नगरपालिकामा अहिलेसम्म ३३ जनामा संक्रमण देखापरेको छ ।
त्यस्तै राजपुर गाउँपालिकामा २२ जनामा संक्रमण देखिएको छ । त्यसैगरी राप्ती गाउँपालिकामा ३४ जना, शान्तीनगरमा २३ जनामा कोरोना देखिएको छ । दाङमा अहिलेसम्म १२ हजार ९ सय ६४ जनाको स्वाब परिक्षण गरिएको छ । अहिलेसम्म जिल्लामा ७१९ जनामा संक्रमण देखिएको छ ।