तेज वली
दाङमा ईलाका प्रहरी कार्यालय तुलसीपुरले मात्रै डेढ महिनामा अवैद्य उत्खनन् गर्ने ४८ ट्याक्टर पक्राउ गरेको छ ।
जसबाट १० लाख ६० हजार बढि राजश्व संकलन भएको ईलाका प्रहरी कार्यालय तुलसीपुरका प्रहरी नायव उपरीक्षक शिवबहादुर सिंहले जानकारी दिए । उनका अनुसार ४१ वटा ट्याक्टर तुलसीपुर उपमहानगरपालिकालाई कारवाहीको लागि जिम्मा लगाएको र सात वटा ट्याक्टर दंगीशरण गाउँपालिकालाई कारवाहीका लागि जिम्मा लगाएको उनको भनाई छ ।
तुलसीपुर उपमहानगरपालिकाले एउटा ट्याक्टरको २५ हजार र दंगीशरण गाउँपालिकाले पाचँ हजारका दरले जरिवाना लिने गरेको छ । उनका अनुसार डेढ महिनामै यति धेरै अबैद्य उत्खनन् गरिएका ट्याक्टर पक्राउ गरिएको उनले बताए । ग्वाँर खोला, बबई, पातुखोलालगायतमा अहिले अवैद्य उत्खनन् भईरहेको छ । जिल्लामा अवैद्य उत्खनन्ले गर्दा समस्या हुने गरेको छ ।
