क्म्प्युटर अपरेटर १६ लाख रकमसहित अख्तियारको नियन्त्रणमा

महेन्द्र सिंह बाँके अख्तियारले भेरी अस्पताल, नेपालगञ्जका कम्प्यूटर अपरेटर अरुणराज खनाललाई पक्राउ गरेको छ । अख्तियार, नेपालगञ्जका प्रमुख गणेश गैरेका अनुसार, कम्प्यूटर अपरेटर खनालले विभिन्न पाटीसँग कमिसन वापत १६ लाख १३ हजार ९ सय ७५ रुपैया लिएका थिए । सामान खरिदको कमिसन रहेको बुझिएको छ ।
अख्तियार प्रमुख गैरेले स्रोत नखुलेको पैसासहित खनाललाई पक्राउ गरेको बताउनुभयो । खनालका बारेमा अनुसन्धान भइरहेको छ । अख्तियारले केही दिनअघिमात्रै घरेलु कार्यालयका अधिकृतलाई ९६ हजार घुससहित पक्राउ गरेको थियो ।