एबिसी क्राईमबिट
झापामा ७५ हजार बराबरको नक्कली भारतीय रुपैयाँ बरामद भएको छ भने पाँचसय भारु नोटसहित दुई जना पक्राउ परेका छन् । एक जना कनकाई नगरपालिका–३ सुरुङ्गाका सुन व्यवसायी र अर्का एक जना नेपाल भारत सीमा क्षेत्रका व्यक्ति पक्राउ परेको प्रहरीले जनाएको छ ।
पक्राउ परेका दुवै जनालाई खोटा चलनसम्बन्धी कसूरमा म्याद थप गरी विस्तृत अनुसन्धान भइरहको प्रहरीले जानकारी दिएको छ । पक्राउ परेका व्यक्तिले डेढ लाख नक्कली रुपैयाँ नोट रहेको बताएका छन् । सुन व्यवसायी मौसमा श्रेष्ठले ल्याएको नोट कहाँबाट आएको भन्ने खुलीसकेको छैन । श्रेष्ठ सुरुङ्गा क्षेत्रका मिटरव्यजी पनि रहेको प्रहरीले जानकारी दिएको छ ।
यस अघि काठमाडौंमा ७ करोड नक्कली भारतीय नोटसहित २०७६ जेठ १० मा युनिस अन्सारी पक्राउ परेका थिए ।
