एबिसी संचार दाङको बंगलाचुली गाँउपालिका वडा नम्बर ५ का वडाध्यक्षसहित पाँच जनामा कोरोना सङ्क्रमण पुष्टि भएपछि वडा सिल गरिएको छ। बंगलाचुली गाँउपालिकाले सूचना निकालेर वडामा सङ्क्रमणको उच्च जोखिम भएको भन्दै वडा सील गरेको जानकारी गराएको छ। मंगलबार राति १२ बजेदेखि लागू हुनेगरी अर्को सूचना जारी नभएसम्मकालागि वडा सिल गरिएको पालिकाको सुचनामा उल्लेख छ। राप्ती स्वास्थ्य विज्ञान प्रतिष्ठानले मंगलबार बंगलाचुली गाँउपालिका वडा नम्बर ५ का अध्यक्षसहित ५ जनालाई सङ्क्रमण भएको पुष्टि गरेको थियो। वडा अध्यक्षसहित ५ जनामा कोरोना पुष्टि भएसँगै पूरै वडा सिल गरिएको हो।
