(बिदुर एमसी) दाङ जिल्लाकाे पूर्वी देउखुरी भालुवाङ्ग पुल्चोकको राम जहदी सामुदायिक बनको हाताभित्र एच इ बम फेला परेको छ । आइतबार बिहान सामुदायिक बनका उपभोक्ताहरुले डाडा माथि जानका लागि गाेरेटाे बाटाे खन्ने क्रममा साे शङ्कास्पद बस्तु भेटाएपछी ईलाका प्रहरी कार्यालय भालुवाङलाई खवर गरेका थिए । प्रहरीले सूचना पाए लगत्तै जिल्लाको सदरमुकाम घोराहीबाट आएको नेपाली सेनाको टाेलीले उक्त शङ्कास्पद बस्तु बम नै भएको पुष्टि गर्दै अपरान्ह साे बमलाई बिष्फाेट गरेको थियो । एच इ बम भएकोले बिष्फाेटन हुदा निकै ठूलो अावाज आएको ईलाका प्रहरी कार्यालय भालुवाङ्का प्रहरी प्रमुख प्रहरी निरीक्षक गङ्गा सारुले जानकारी दिनुभएको छ ।
